Breaking News
ലോക പ്രശസ്ത സുറിയാനി പണ്ഡിതർക്ക് സിറോ മലബാർ സഭയുടെ ആദരവ് ശുദ്ധഭക്ഷണവുമായി PDDP RESTAURANT എറണാകുളം സെന്റ് മേരീസ് കത്തീഡ്രൽ ബസിലിക്കയിൽ യുവജനസംഗമം സംഘടിപ്പിച്ചു സമാധാനത്തിനായി ഒരു മിനിറ്റു പ്രാര്‍ത്ഥിക്കാം പെന്തക്കൂസ്ത മഹോത്സവത്തില്‍ പിറവിയെടുത്ത “ക്യാരിസ്” 2019ല്‍ ഹോളിവുഡില്‍ 4 ക്രിസ്ത്യന്‍ സിനിമകള്‍ സമാധാന നിര്‍മ്മിതിക്ക്- മനുഷ്യത്വവും മതങ്ങളുടെ കൂട്ടായ്മയും തിരുവാതിര ഞാറ്റുവേല ജൂൺ 22 മുതൽ ജൂലൈ 6 വരെ. യുഎഇ-യിലെ ജനങ്ങള്‍ക്ക് പാപ്പാ ഫ്രാന്‍സിസിന്‍റെ സന്ദേശം 'ഒറ്റച്ചിറകിന്‍ തണലില്‍ അഗ്‌നിച്ചിറകുള്ള മക്കള്‍' എന്ന വിഷയത്തില്‍ യൂദിത്ത് ഫോറം സംഗമം വ്യക്തഗത നന്മകൊണ്ട് ചുറ്റും സാഹോദര്യത്തിന്‍റെ ലോകം വളര്‍ത്താം! റീ ബിൽഡ് കേരള: പുതിയ അപ്പീൽ നൽകാൻ ജൂൺ 30 വരെ അവസരം, അപേക്ഷകൾ ജൂൺ 25 മുതൽ സ്വീകരിക്കും. റൊമേനിയ സന്ദര്‍ശനം-പുനരവലോകനം ഭിന്നശേഷിയുള്ളവർക്ക് സ്വപ്നയാത്രയൊരുക്കി സഹൃദയ ചൈൽഡ് ലൈൻ വാർഷികം ആറാമത് ഗ്രേസ് റിപ്പിള്‍സ് ദമ്പതീ കോൺഫെറൻസ് കാക്കനാട് നൈപുണ്യ പബ്ലിക് സ്‌കൂളിന് ഇന്റർനാഷണൽ സ്കൂൾ അവാർഡ് കാ​ണ്ഡ​മാ​ലി​ൽ നാ​ല് പേ​ർ കൂ​ടി വൈ​ദി​ക​പ​ട്ടം സ്വീ​ക​രി​ച്ചു ദിവ്യകാരുണ്യ ഗീതം പ്രകാശനം ചെയ്തു. Pilgrims Communications കേരള കത്തോലിക്കാ സഭയുടെ പ്രളയദുരിതാശ്വസ സഹായത്തിൽ 211 കോടിയിൽ 57 കോടിയും എറണാകുളം അങ്കമാലി അതിരൂപതയുടെതു കാനോൻ നിയമ പണ്ഡിതൻ റവ. ഡോ. ജോസ് ചിറമേൽ നിര്യാതനായി

വ്യക്തഗത നന്മകൊണ്ട് ചുറ്റും സാഹോദര്യത്തിന്‍റെ ലോകം വളര്‍ത്താം!

പാപ്പാ ഫ്രാന്‍സിസ് ഇറ്റലിയിലെ യുവജനപ്രസ്ഥാനത്തിന്‍റെ ദേശീയ പ്രതിനിധിസംഘത്തിനു നല്കിയ ക്രിസ്തുമസ് സന്ദേശം

കത്തോലിക്കാ പ്രവര്‍ത്തനങ്ങള്‍ക്കായുള്ള സംഘടനയിലെ ദേശീയ പ്രതിനിധികളായ 65 പേരും അവരുടെ അജപാലകര്‍, അദ്ധ്യാപകര്‍ എന്നിവരുമായി  ഡിസംബര്‍ 20-Ɔο തിയതി വ്യാഴാഴ്ച വത്തിക്കാനില്‍ നടത്തിയ കൂടിക്കാഴ്ചയില്‍ പാപ്പാ ഫ്രാന്‍സിസ് അവര്‍ക്ക് ക്രിസ്തുമസ് സന്ദേശം നല്കി.  യുവാക്കളുടെ കൂട്ടായ്മയ്ക്ക് തുണയായി അജപാലകരുടെയും അല്‍മായരുടെയും പ്രായപൂര്‍ത്തിയായവരുടെയും പക്വമാര്‍ന്ന സാന്നിദ്ധ്യത്തെ ആമുഖമായി പാപ്പാ അഭിനന്ദിച്ചു. ക്രിസ്തീയ രൂപീകരണം നല്കുന്നവരിലെ വൈവിദ്ധ്യം യുവജനങ്ങളുടെ രൂപീകരണത്തിന് ഏറെ സഹായകമാകുമെന്നും അഭിപ്രായപ്പെട്ടു.“കാത്തലിക് ആക്-ഷന്‍” പ്രസ്ഥാനത്തിന്‍റെ  2019-ലെ ധ്യാനത്തിന് ഈശോ ബഥനിയായിലെ സഹോദരികളായ മാര്‍ത്തയുടെയും മേരിയുടെയും അതിഥിയായെത്തുന്ന സുവിശേഷഭാഗം സ്വീകരിച്ചതില്‍ സന്തോഷം പ്രകടിപ്പിച്ചു. ഈ സംഘടയില്‍പ്പെടാത്ത, ഇറ്റലി മുഴുവനുമുളള നിങ്ങളുടെ സമപ്രായക്കാരായ കൂട്ടുകാരും ഈശോയെ സുഹൃത്തും അതിഥിയുമായി സ്വീകരിക്കുന്ന അനുഭവം ആവിഷ്കരിക്കാന്‍ ഈ വര്‍ഷത്തെ പ്രതിപാദ്യവിഷയം സഹായകമാകട്ടെ! ക്രിസ്തുവിന്‍റെ പ്രേഷിതരാകാന്‍ ആഗ്രഹിക്കുന്നവര്‍ അവിടുത്തെ സന്നിധിയില്‍ പ്രാര്‍ത്ഥിക്കാനും, അങ്ങനെ അവിടുത്തെ അടുത്തറിയാനും സാധിക്കണം. ഈശോയെ അടുത്ത് അറിയുന്നവര്‍ക്കു മാത്രമേ തങ്ങളുടെ സമപ്രായക്കാരായ കൂട്ടുകാര്‍ക്കും, ചിലപ്പോള്‍ പ്രായമുള്ളവര്‍ക്കും സുവിശേഷവും അതിലെ രക്ഷയുടെ മൂല്യങ്ങളും പകര്‍ന്നുനല്കാന്‍ സാധിക്കൂ. മനുഷ്യാവതാരംവഴി ദൈവം നമ്മെ അറിയിച്ച സദ്വാര്‍ത്ത, അവിടുന്നു നമ്മെ സ്നേഹിക്കുന്നുവെന്നതാണ്! നമ്മെ ദൈവം ഒറ്റയായും കൂട്ടമായും സ്നേഹിക്കുന്നു എന്നത് ഏറ്റവും ആനന്ദദായകവും മനോഹരവുമായ ഒരു കാര്യമാണ്. "കാത്തലിക് ആക്ഷന്‍"  സംഘടനയില്‍ യുവജനങ്ങളും കുട്ടികളും  രൂപീകരണത്തിന്‍റെ കാലയളവില്‍  പാവങ്ങള്‍ക്കായി ചെയ്യുന്ന ഉപവിപ്രവര്‍ത്തനങ്ങളെ അഭിനന്ദിക്കുന്നു. പ്രത്യേകിച്ച് ഈ ക്രിസ്തുമസില്‍ പാവപ്പെട്ടവര്‍ക്ക് സമ്മാനമായി നല്കാന്‍ ഇവിടെ വത്തിക്കാനില്‍ ഏല്പിക്കുന്ന ശുചീകരണോപകരണങ്ങളും വസ്തുക്കളും തീര്‍ച്ചയായും അപ്പസ്തോലിക ഉപവിപ്രസ്ഥാനത്തിലൂടെ ഏറ്റവും അര്‍ഹിക്കുന്നവര്‍ക്ക് എത്തിച്ചുകൊടുക്കാനാകും. നിങ്ങളുടെ ഔദാര്യത്തെയും നല്ലമനസ്സിനെയും, പാവങ്ങളോടുള്ള പ്രതിബദ്ധതയെയും അഭിനന്ദിക്കുന്നു. ക്രിസ്തുമസില്‍ ഈശോ നിങ്ങളില്‍ വീണ്ടും വന്നു പിറക്കട്ടെ! നിങ്ങള്‍ക്ക് യഥാര്‍ത്ഥമായ ആനന്ദം പകരാന്‍ നിങ്ങളുടെ ഹൃദയങ്ങളില്‍ അവിടുന്നു വന്നുവസിക്കട്ടെ. നിങ്ങളുടെ സന്തോഷം മറ്റുള്ളവരുമായി പങ്കുവയ്ക്കാന്‍ മറന്നുപോകരുത്, പ്രത്യേകിച്ച് നിങ്ങളുടെ സമപ്രായക്കാരുമായി നിങ്ങള്‍ ഈ ക്രിസ്തുമസിന്‍റെ ആനന്ദം സര്‍ഗ്ഗാത്മകമായി പങ്കുവയ്ക്കണം. കൂട്ടുകാരില്‍ വേദനിക്കുന്നവരും ബുദ്ധിമുട്ടുകളും ഏകാന്തതയും, ചിലപ്പോള്‍ പീഡനങ്ങളും അനുഭവിക്കുന്നവര്‍ ഉണ്ടാകാം. അവരുമായി നിങ്ങളുടെ ആനന്ദം പങ്കുവയ്ക്കുക. അവര്‍ക്ക് സാന്ത്വനം പകരുക. അങ്ങനെ നിങ്ങള്‍ നന്മയുടെയും സാന്ത്വനത്തിന്‍റെയും ഉപകരണങ്ങളാകുക. അതുവഴി നമുക്കു ചുറ്റും സാഹോദര്യത്തിന്‍റെ ലോകം പടുത്തുയര്‍ത്താം. കത്തോലിക്കാ യുവജനപ്രസ്ഥാനത്തിലെ എല്ലാ അംഗങ്ങള്‍ക്കും, അവരുടെ കുടുംബങ്ങള്‍ക്കും ക്രിസ്തുമസിന്‍റെ ആശംസകളും പ്രാര്‍ത്ഥനയും നേരുന്നു. തനിക്കുവേണ്ടി പ്രാര്‍ത്ഥിക്കാന്‍ മറന്നുപോകരുതെന്ന് അനുസ്മരിപ്പിച്ചുകൊണ്ടാണ് പാപ്പാ ഫ്രാന്‍സിസ് സന്ദേശം ഉപസംഹരിച്ചത്.

Author : FROM VATICAN NEWS

Related posts

0 comments

Please login to leave a comment. click here to Login