യേശുവിനെ മറന്ന് പിൻസീറ്റിലിരിക്കുന്നവരുടെ താല്പര്യത്തിന് വണ്ടിയോടിക്കുന്ന മേജർ ആർച്ച് ബിഷപ്പ്
പീലാത്തോസിനെ പോലെ മറ്റുള്ളവരെ വിധിക്കാൻ അല്ല, യേശുവിനെ പോലെ വിശുദ്ധീകരിക്കുവാനും നയിക്കുവാനും പഠിപ്പിക്കുവാനുമാണ് തൻ്റെ പ്രഥമ ചുമതലയെന്ന് എങ്ങനെയാണ് ഈ തട്ടിലിനെയൊന്ന് അറിയിക്കുന്നത്.
കോട്ടയം : പീലാത്തോസിനെ പോലെ മറ്റുള്ളവരെ വിധിക്കാൻ അല്ല, യേശുവിനെ പോലെ വിശുദ്ധീകരിക്കുവാനും നയിക്കുവാനും പഠിപ്പിക്കുവാനുമാണ് തൻ്റെ പ്രഥമ ചുമതലയെന്ന് എങ്ങനെയാണ് ഈ തട്ടിലിനെയൊന്ന് അറിയിക്കുന്നത്. എന്തെല്ലാം നുണകൾ, എന്തെല്ലാം തന്ത്രങ്ങൾ ഇദ്ദേഹം പയറ്റുന്നു.! എങ്ങനെയും തങ്ങളുടെ ഇഷ്ടവും തീരുമാനവും മാത്രം അടിച്ചേൽപ്പിക്കുക എന്ന കാര്യത്തിനായി എല്ലാ മര്യാദകളും ലംഘിച്ച് പ്രവർത്തിക്കുവാൻ എങ്ങനെയാണ് ഇവർക്ക് കഴിയുക?
ഇപ്പോൾ തിരിഞ്ഞു നിന്ന് കുർബാന എറണാകുളത്ത് നടത്തുവാൻ കർമ്മ പദ്ധതി ഉണ്ടാക്കുവാൻ വന്നിരിക്കുന്നു.!! നിങ്ങളുടെ കുർബാന അടിച്ചേൽപ്പിക്കുന്ന തീരുമാനം എടുക്കുന്നതിന് മുമ്പ് എത്രയോ വട്ടം അതിരൂപതാ വൈദികർ നിങ്ങളുടെ കാലുപിടിച്ചു പറഞ്ഞു ഞങ്ങളെ ഒന്ന് കേൾക്കൂ ഞങ്ങളെ ഒന്ന് മനസ്സിലാക്കൂ എന്ന് . അതിനെല്ലാം പുല്ലുവില കൽപ്പിച്ച് പോലീസും പട്ടാളവുമായി വന്ന് കുർബാന ചൊല്ലുകയും കോടതികളായ കോടതികളിലേക്ക് നിങ്ങളുടെ ശിങ്കിടികളെ കൊണ്ട് കേസ് കൊടുപ്പിച്ച് എങ്ങനെയെല്ലാം എറണാകുളത്തെ ദുർബലപ്പെടുത്താമോ അതെല്ലാം ചെയ്തിട്ടും ഏൽക്കാതായപ്പോൾ , ഇപ്പോഴും സ്നേഹാഭിനയത്തോടെ കർമ പദ്ധതിയുടെ കാര്യം പറഞ്ഞ് താങ്കൾക്ക് വരാൻ എങ്ങനെ കഴിയുന്നു?
അല്ലെങ്കിൽ തന്നെ എറണാകുളത്തെ മേജർ ആർച്ച് ബിഷപ് എന്ന് പറയുവാൻ താങ്കൾക്ക് എങ്ങനെ സാധിക്കുന്നു? താങ്കൾ സീറോ മലബാർ MAB യല്ലേ? എറണാകുളം - അങ്കമാലി ആർക്കിഎപ്പിസ്കോപ്പൽ സഭയിൽ താങ്കൾക്കെന്ത് കാര്യം? എറണാകുളത്തെ ബിഷപ്പ് ആണെങ്കിൽ താങ്കളുടെ സ്ഥാനാരോഹണം നടക്കേണ്ടിയിരുന്നത് സെൻ്റ് മേരിസ് ബസിലിക്കയിൽ ആയിരുന്നു. താങ്കൾ സ്ഥാനമേറ്റു ഇരിക്കേണ്ടിയിരുന്നത് ബസിലിക്ക ദേവാലയത്തിലെ സഭാ തലവനുള്ള കസേരയിലായിരുന്നു. ഒരിടവക പള്ളി പോലുമല്ലാത്ത മൗണ്ട് സെൻറ് തോമസിലെ കപ്പേളയിൽ സ്ഥാനമേറ്റു അവിടെ നൈയാമികമായി ഒരു അംഗീകാരവും ഇല്ലാത്ത കസേരയിലിരുന്ന് എറണാകുളത്തിന്റെ മെത്രാപ്പോലീത്തയാണെന്ന് പറയുവാൻ താങ്കൾക്ക് എങ്ങനെ കഴിയുന്നു? താങ്കൾ നാളുകൾക്ക് ശേഷം കുറവിലങ്ങാട്ടേ കസേരയിൽ പോയല്ലേ ഇരുന്നത്? താങ്കൾ എന്നെങ്കിലും എറണാകുളം അരമനയിലെ മേജർ ബിഷപ്പിന്റെ മുറിയിൽ കയറിയിട്ടുണ്ടോ? ഒരു ദിവസമെങ്കിലും അവിടെയിരുന്ന് അവിടത്തെ വൈദ്യകരോടോ അവിടത്തെ ജീവനക്കാരോടോ സംസാരിച്ചിട്ടുണ്ടോ? രാഷ്ട്രീയക്കളിയുടെ ഭാഗമായി താങ്കൾ MAB യാകുമ്പോൾ ആ ചടങ്ങ് നടക്കേണ്ടിയിരുന്ന ബസ്ലിക്ക നിങ്ങൾ പൂട്ടിയിട്ടിരിക്കുകയായിരുന്നു. കോടതിയാണ് ഞങ്ങൾക്ക് പിന്നീടത് തുറന്നു തന്നത്?
ഇപ്പോഴും ഞങ്ങളുടെ പള്ളികളിൽ കുർബാന മുടക്കാൻ താങ്കൾ കോടതിപോകുന്നവർക്ക് സർട്ടിഫിക്കറ്റ് കൊടുക്കുവല്ലേ? എറണാകുളത്തെ പാഠം പഠിപ്പിക്കുവാൻ വേണ്ടി അവരോട് ശത്രുത മൂത്ത് കഴിയുന്ന രൂപതകളിലെ അരമനകളിൽ കയറിയിറങ്ങി അവിടത്തെ മെത്രാന്മാരും എറണാകുളം വിരോധികളുമായി ഗൂഢാലോചന നടത്തുന്നതല്ലാതെ എന്നെങ്കിലും എറണാകുളം അരമനയിൽ വന്ന് സ്നേഹത്തോടുകൂടി ഈ അതിരൂപതയിലെ വിശ്വാസികളോട് സംസാരിക്കാൻ കഴിഞ്ഞിട്ടുണ്ടോ? മാനേജ്മെൻറ് സീറ്റിൽ വന്ന മെത്രാന്മാരും അവരുടെ പിണിയാളന്മാരും പറയുന്നത് കേട്ട് ദൈവത്തിൻറെ സ്നേഹവും യേശുവിൻറെ സുവിശേഷവും മറന്നുള്ള അങ്ങയുടെ ഈ രാഷ്ട്രീയക്കളി ദൈവം അനുവദിച്ചു തരും എന്ന് കരുതുന്നുണ്ടോ? എറണാകുളത്തെ വിശ്വാസികൾ എന്ത് തെറ്റാണ് നിങ്ങളോട് ചെയ്തത്? നിങ്ങൾ രാഷ്ട്രീയ നേട്ടത്തിനു വേണ്ടി ദിവ്യബലിയെയും വിശ്വാസികളുടെ കൂദാശ നിർവഹണത്തെയും തൊട്ടു കളിച്ച മാന്യതയില്ലായ്മ, മര്യാദയില്ലായ്മ നിങ്ങൾക്ക് എങ്ങനെ സാധിക്കുന്നു. ? ആത്മാർഥതയില്ലാത്ത നിങ്ങളുടെ പെരുമാറ്റം നിങ്ങളുടെ വില അവരുടെ മുമ്പിൽ നഷ്ടപ്പെടുത്തിയിരിക്കുന്നു. മാന്യതയില്ലായ്മ , മര്യാദയില്ലായ്മ മൊത്തം നിങ്ങളുടെ വിലയിടിക്കുന്നു.
എറണാകുളത്തെ വിശ്വാസികൾക്ക് ഇനി കർത്താവായ ഈശോയിൽ മാത്രമാണ് വിശ്വാസം. അവൻ്റെ നാമത്തിൽ പള്ളു പറഞ്ഞു വരുന്ന നിങ്ങളെപ്പോലുള്ളവരോട് അവർക്ക് തെല്ലും വിശ്വാസം ഇല്ലാതായിരിക്കുന്നു. ഒരു ഭവനത്തിന്റെ വേദനയും ആ കുലതയും സന്തോഷങ്ങളും സംതൃപ്തികളും സന്ദേഹങ്ങളും ഉൾക്കൊള്ളുന്നവനാണ് ആ ഭവനത്തിന്റെ നാഥൻ . ആ ഭവനത്തെ ശത്രു ഭവനമായി കാണുന്നവരോടൊപ്പം കൂട്ടുകൂടി അവരുടെ താളത്തിന് തുള്ളി അവരുടെ ഭക്ഷിച്ച് അവരുടെ താല്പര്യം നിറവേറ്റുവാൻ ഭവനത്തിലേക്ക് കള്ളനാഥനായി വരുവാനും അധികാരിയെ പോലെ പ്രവർത്തിക്കുവാനും ആണ് ഉദ്ദേശമെങ്കിൽ ഈ ഭവനം ഒറ്റക്കെട്ടായി നിന്ന് യേശുവിൽ നിങ്ങളോട് മറുതലിക്കും.
*കാരണം എറണാകുളം അങ്കമാലി അതിരൂപത യേശുവിൽ ഒറ്റക്കെട്ടാണ്*
