Breaking News
സമാധാന നിര്‍മ്മിതിക്ക്- മനുഷ്യത്വവും മതങ്ങളുടെ കൂട്ടായ്മയും പെന്തക്കൂസ്ത മഹോത്സവത്തില്‍ പിറവിയെടുത്ത “ക്യാരിസ്” റൊമേനിയ സന്ദര്‍ശനം-പുനരവലോകനം കാക്കനാട് നൈപുണ്യ പബ്ലിക് സ്‌കൂളിന് ഇന്റർനാഷണൽ സ്കൂൾ അവാർഡ് ലോക പ്രശസ്ത സുറിയാനി പണ്ഡിതർക്ക് സിറോ മലബാർ സഭയുടെ ആദരവ് 2019ല്‍ ഹോളിവുഡില്‍ 4 ക്രിസ്ത്യന്‍ സിനിമകള്‍ ഭിന്നശേഷിയുള്ളവർക്ക് സ്വപ്നയാത്രയൊരുക്കി സഹൃദയ ചൈൽഡ് ലൈൻ വാർഷികം മാര്‍ ളൂയിസ് പഴേപറമ്പില്‍ -സ്മൃതി വന്ദനം 'ഒറ്റച്ചിറകിന്‍ തണലില്‍ അഗ്‌നിച്ചിറകുള്ള മക്കള്‍' എന്ന വിഷയത്തില്‍ യൂദിത്ത് ഫോറം സംഗമം എറണാകുളം സെന്റ് മേരീസ് കത്തീഡ്രൽ ബസിലിക്കയിൽ യുവജനസംഗമം സംഘടിപ്പിച്ചു ആറാമത് ഗ്രേസ് റിപ്പിള്‍സ് ദമ്പതീ കോൺഫെറൻസ് കേരള കത്തോലിക്കാ സഭയുടെ പ്രളയദുരിതാശ്വസ സഹായത്തിൽ 211 കോടിയിൽ 57 കോടിയും എറണാകുളം അങ്കമാലി അതിരൂപതയുടെതു വ്യക്തഗത നന്മകൊണ്ട് ചുറ്റും സാഹോദര്യത്തിന്‍റെ ലോകം വളര്‍ത്താം! യുഎഇ-യിലെ ജനങ്ങള്‍ക്ക് പാപ്പാ ഫ്രാന്‍സിസിന്‍റെ സന്ദേശം ശുദ്ധഭക്ഷണവുമായി PDDP RESTAURANT ഇത് ഒരു സ്ത്രീയുടെ നിശ്ചയ ദാർഢ്യത്തിന്റെ കഥയാണ് ദിവ്യകാരുണ്യ ഗീതം പ്രകാശനം ചെയ്തു. Pilgrims Communications കാ​ണ്ഡ​മാ​ലി​ൽ നാ​ല് പേ​ർ കൂ​ടി വൈ​ദി​ക​പ​ട്ടം സ്വീ​ക​രി​ച്ചു സമാധാനത്തിനായി ഒരു മിനിറ്റു പ്രാര്‍ത്ഥിക്കാം

കേരള കത്തോലിക്കാ സഭയുടെ പ്രളയദുരിതാശ്വസ സഹായത്തിൽ 211 കോടിയിൽ 57 കോടിയും എറണാകുളം അങ്കമാലി അതിരൂപതയുടെതു

കേരളസഭയുടെ പ്രളയണതാനന്തര ദുരിതാശ്വാസ പ്രവർത്തനങ്ങളിൽ നാലിൽ ഒരു ഭാഗം സഹായം നൽകിയത് എറണാകുളം അതിരൂപത. സാമ്പത്തിക ഞെരുക്കത്തിലും അപരന് സഹായമായി അതിരൂപത കുടുംബം

എറണാകുളം : പ്രളയ ദുരിതമനുഭവിക്കുന്നവരുടെ പുനരധിവാസത്തിനായി എറണാകുളം-അങ്കമാലി അതിരൂപത ഇതുവരെ സമാഹരിച്ചു ചെലവഴിച്ചത് 57 കോടി രൂപ. കേരളത്തിലെ എല്ലാ കത്തോലിക്കാ രൂപതകളും ചേര്‍ന്ന് സമാഹരിച്ച ആകെ തൂകയായ 211 കോടിയുടെ നാലിൽ ഒരു ഭാഗമാണിത്. കണക്കനുസരിച്ച്‌ കേരളകത്തോലിക്കസഭ ചെലവഴിച്ച ആകെ തുകയില്‍ 27ശതമാനം സമാഹരിച്ചത് എറണാകുളം-അങ്കമാലി അതിരൂപതയില്‍ നിന്ന്. തൃശുര്‍ അതിരൂപത 24 കോടിയും, ചങ്ങനാശ്ശേരി അതിരൂപത 21 കോടിയും, കാഞ്ഞിരപ്പള്ളിരൂപത 7 കോടിയും, പാല രൂപത 1 കോടിയും, മാനന്തവാടി രൂപത 7 കോടിയുമാണ് സമാഹരിച്ചത്. കേരളത്തിലെ 40 കത്തോലിക്കാരൂപതകള്‍ ചേര്‍ന്നാണ് 211 കോടി സമാഹരിച്ചത്. കേരളത്തില്‍ 18 സീറോമലബാര്‍ രൂപതകളും, 12 ലത്തീന്‍ രൂപതകളും, 10 സീറോമലങ്കര രൂപതകളുമാണുള്ളത്.

ഭൂമികച്ചവടവിവാദത്തില്‍പെട്ട് 100 കോടിയിലധികം കടബാധ്യതയുള്ള എറണാകുളം അതിരൂപതയുടെ ഈ നേട്ടം ഏവരുടെയും ശ്രദ്ധയാകര്‍ഷിക്കുന്നു. അതിരൂപതയുടെ സാമൂഹ്യപ്രവര്‍ത്തനങ്ങള്‍ക്കു ചുക്കാന്‍ പിടിക്കുന്ന *ബിഷപ് സെബാസ്റ്റ്യന്‍ എടയന്ത്രത്തിന്‍റെ* നേതൃത്വത്തില്‍ വൈദികരും ജനങ്ങളും ചേര്‍ന്നുള്ള കൂട്ടായ പ്രവര്‍ത്തനമാണ് ഈ നേട്ടത്തിനു പിന്നില്‍. അതിരൂപതയുടെ നേതൃത്വത്തിലുള്ള ദുരിതാശ്വാസപ്രവര്‍ത്തനഫലങ്ങള്‍ സമൂഹത്തിലെ എല്ലാവിഭാഗത്തില്‍പ്പെട്ടവര്‍ക്കും ലഭിച്ചു എന്നത് വളരെ ശ്രദ്ധേയമാണ്.

*സഹായധന സമാഹരണം*

എറണാകുളം-അങ്കമാലി അതിരൂപതയിലെ ഇടവകകളില്‍ നിന്നാണ് 57 കോടി രൂപ സമാഹരിച്ചത്. ഇടവകകളിലെ വികാരിയച്ചന്‍മാരുടെ നേതൃത്വത്തില്‍ കുടുംബകൂട്ടായ്മകളും, പാരിഷ് കൗണ്‍സിലുകളും, സംഘടനകളും ചേര്‍ന്നാണ് പ്രവര്‍ത്തനങ്ങള്‍ ഏകോപിപ്പിച്ചത്. ഇതിനുവേണ്ടി ഇടവകകളിലെ തിരുനാളാഘോഷങ്ങളും, മറ്റു ചെലവുകളും ചുരുക്കുകയോ, വേണ്ടെന്നു വയ്ക്കുകയോ ചെയ്തു. ഇടവകാംഗങ്ങള്‍ പലരും കുടുംബാഘോഷങ്ങള്‍ വേണ്ടെന്നു വച്ചു ആ തുക ദുരിതാശ്വാസനിധിയിലേക്കു നല്കി. വിവാഘോഷങ്ങള്‍ വെട്ടിച്ചുരുക്കി, വാര്‍ഷികാഘോഷങ്ങള്‍ ഉപേക്ഷിച്ചു. അല്മായരിലും, വൈദികരിലും പലരും അവരുടെ ദശാംശവും, ശമ്പളവും സംഭാവന ചെയ്തു. അതിരൂപതാംഗങ്ങളായ വിദേശമലയാളികളില്‍ പലരും ഇതിനോടു തുറന്ന മനസ്സോടെ സഹകരിച്ചു.

*വിവിധപദ്ധതികള്‍*

്പ്രളയദുരന്തത്തിന്‍റെ അതിജീവനത്തിനു വിവിധ പദ്ധതികളാണ് ആവിഷ്കരിച്ചത്. പുതിയ ഭവനങ്ങള്‍ നിര്‍മ്മിച്ചു നല്കി. കേടുപാടുകള്‍ പറ്റിയ വീടുകള്‍ നന്നാക്കി. ആഹാരവും, വസ്ത്രങ്ങളും വിവിധ തരത്തില്‍ വിതരണം ചെയ്തു. ചികിത്സസഹായങ്ങള്‍ ആവശ്യമുള്ളവര്‍ക്കു അതിരൂപതയുടെ രണ്ടു പ്രധാന ആശുപത്രികള്‍ വഴി ചികിത്സ നടത്തി. ചില ഇടവകകള്‍ ദുരിതബാധിത പ്രദേശത്തെ ദത്തെടുത്ത് അവിടങ്ങളിലെ എല്ലാ കാര്യങ്ങളും നിര്‍വ്വഹിച്ചു.

*കടക്കെണിയില്‍ നിന്നുള്ള പങ്കുവയ്ക്കല്‍*

100 കോടിയില്‍ പരം കടബാധ്യതയില്‍ പെട്ട്‌ അതിരൂപത സാമ്പത്തികപ്രതിസന്ധിയില്‍ ആയിരിക്കുമ്പോഴാണ് ഇത്ര വലിയ ഒരു പദ്ധതി നിറവേറ്റിയത് എന്നത് അഭിനന്ദനാര്‍ഹമാണ്. കേരളജനതയോടുള്ള എറണാകുളം-അങ്കമാലി അതിരൂപതയുടെ സാമൂഹ്യപ്രതിബദ്ധതയുടെ പാരമ്പര്യത്തിനു തെളിവായി ഇതിനെ കാണാം. നോട്ടുനിരോധനം വന്നപ്പോള്‍ നേര്‍ച്ചപ്പെട്ടി തുറന്നിട്ടു ജനങ്ങളെ സഹായിച്ച അതിരൂപത ഇവിടെയും പുതിയ മാതൃകയായി. ഇതിനു നേതൃത്വം നല്കിയ ബിഷപ് എടയന്ത്രത്തും, അതിരൂപതയുടെ സാമൂഹ്യക്ഷേമവകുപ്പ്‌ ഡയറക്ടര്‍ ഫാ. പോള്‍ ചെറുപിള്ളിയും പ്രത്യേകം അഭിനന്ദനമര്‍ഹിക്കുന്നു..

തിരുനാളാഘോഷങ്ങളും ആര്‍ഭാടങ്ങളും ധൂര്‍ത്തുമെല്ലാം പാടെ ഒഴിവാക്കിക്കൊണ്ട് വിശ്വാസി സമൂഹത്തിലൂടെയും പൊതുജന പങ്കാളിത്തത്തിലൂടെയും സമാഹരിക്കുന്ന സാമ്പത്തിക സഹായങ്ങളാണ് പരോപകാര പ്രവര്‍ത്തനങ്ങളുടെ മുതല്‍ക്കൂട്ട്. പ്രളയബാധിതര്‍ക്കായി ഇതുവരെ ചിലവഴിച്ച സഹായനിധിയുടെ പട്ടിക ചുവടെ ചേര്‍ക്കുന്നു. കേരള സോഷ്യല്‍ സര്‍വ്വീസ് ഫോറത്തി (KSSF) ന്റെ ഔദ്യോഗിക കണക്കാണിത്.

കേരള കത്തോലിക്കാ സഭയിലെ വിവിധ രൂപതകൾ ചേർന്ന് പ്രളയാനന്തര കേരളത്തിന്റെ പുനർ നിർമ്മിതിക്കായി ചിലവിട്ടത് 211 കോടിയിൽ അധികം (211,74,72,719) രൂപയാണ്. അതിൽ ഓരോ റീത്തുകളും ചിലവഴിച്ച തുക താഴെ ചേർക്കുന്നു.

 

 

Author : K Sunny

Related posts

0 comments

Please login to leave a comment. click here to Login