Breaking News
ദിവ്യകാരുണ്യ ഗീതം പ്രകാശനം ചെയ്തു. Pilgrims Communications റൊമേനിയ സന്ദര്‍ശനം-പുനരവലോകനം പെന്തക്കൂസ്ത മഹോത്സവത്തില്‍ പിറവിയെടുത്ത “ക്യാരിസ്” സമാധാനത്തിനായി ഒരു മിനിറ്റു പ്രാര്‍ത്ഥിക്കാം വ്യക്തഗത നന്മകൊണ്ട് ചുറ്റും സാഹോദര്യത്തിന്‍റെ ലോകം വളര്‍ത്താം! യുഎഇ-യിലെ ജനങ്ങള്‍ക്ക് പാപ്പാ ഫ്രാന്‍സിസിന്‍റെ സന്ദേശം കാ​ണ്ഡ​മാ​ലി​ൽ നാ​ല് പേ​ർ കൂ​ടി വൈ​ദി​ക​പ​ട്ടം സ്വീ​ക​രി​ച്ചു 2019ല്‍ ഹോളിവുഡില്‍ 4 ക്രിസ്ത്യന്‍ സിനിമകള്‍ കാക്കനാട് നൈപുണ്യ പബ്ലിക് സ്‌കൂളിന് ഇന്റർനാഷണൽ സ്കൂൾ അവാർഡ് ലോക പ്രശസ്ത സുറിയാനി പണ്ഡിതർക്ക് സിറോ മലബാർ സഭയുടെ ആദരവ് ശുദ്ധഭക്ഷണവുമായി PDDP RESTAURANT 'ഒറ്റച്ചിറകിന്‍ തണലില്‍ അഗ്‌നിച്ചിറകുള്ള മക്കള്‍' എന്ന വിഷയത്തില്‍ യൂദിത്ത് ഫോറം സംഗമം ഭിന്നശേഷിയുള്ളവർക്ക് സ്വപ്നയാത്രയൊരുക്കി സഹൃദയ ചൈൽഡ് ലൈൻ വാർഷികം എറണാകുളം സെന്റ് മേരീസ് കത്തീഡ്രൽ ബസിലിക്കയിൽ യുവജനസംഗമം സംഘടിപ്പിച്ചു സമാധാന നിര്‍മ്മിതിക്ക്- മനുഷ്യത്വവും മതങ്ങളുടെ കൂട്ടായ്മയും മാര്‍ ളൂയിസ് പഴേപറമ്പില്‍ -സ്മൃതി വന്ദനം കേരള കത്തോലിക്കാ സഭയുടെ പ്രളയദുരിതാശ്വസ സഹായത്തിൽ 211 കോടിയിൽ 57 കോടിയും എറണാകുളം അങ്കമാലി അതിരൂപതയുടെതു ഇത് ഒരു സ്ത്രീയുടെ നിശ്ചയ ദാർഢ്യത്തിന്റെ കഥയാണ് ആറാമത് ഗ്രേസ് റിപ്പിള്‍സ് ദമ്പതീ കോൺഫെറൻസ്

കാണ്ടാമാലിലെ തീച്ചൂളയില്‍ നിന്നും നാലു പുരോഹിതര്‍

കാണ്ടാമാലിലെ കലാപത്തെ അതിജീവിച്ച നാല് സെമിനാരി വിദ്യാര്‍ത്ഥികള്‍ പൗരോഹിത്യം സ്വീകരിച്ചു.

കട്ടക്-ഭുവനേശ്വര്‍: ഒഡീഷയിലെ കാണ്ടമാലില്‍ ക്രൈസ്തവര്‍ക്കു നേര്‍ക്ക് ആക്രമണം നടന്ന് ഒരു പതിറ്റാണ്ട് പിന്നിടുമ്പോള്‍ അന്നത്തെ കലാപത്തെ അതിജീവിച്ച നാല് സെമിനാരി വിദ്യാര്‍ത്ഥികള്‍ പൗരോഹിത്യം സ്വീകരിച്ചു. വെള്ളിയാഴ്ച കട്ടക്-ഭുവനേശ്വര്‍ അതിരൂപതയിലെ സിമോണ്‍ബഡി മേരിമാത ദേവാലയത്തില്‍ ബെര്‍ഹാംപുര്‍ ബിഷപ്പ് സരത് ചന്ദ്ര നായകില്‍ നിന്നാണ് കപ്പൂച്ചിന്‍ സഭാംഗങ്ങളായ നാലുപേരും പൗരോഹിത്യം സ്വീകരിച്ചത്. ഫാ. രാഹുല്‍ ബസ്താരെ, ഫാ.ജോര്‍ജ് പത്മജി, ഫാ.ആനന്ദ് പ്രധാന്‍, ഫാ. അമര്‍ കുമാര്‍ സിംഗ് എന്നിവരാണ് ഈ നവവൈദികര്‍.

 

'ജനത്തെ നയിക്കാന്‍ മോശയെ എന്നപോലെ ദൈവം നിങ്ങളെയും തെരഞ്ഞെടുക്കുകയായിരുന്നു'വെന്ന് ബിഷപ്പ് സരത് ചന്ദ്ര നായക് പൗരോഹിത്യ ചടങ്ങില്‍ വ്യക്തമാക്കി. അബ്രഹാമിനു ആയിരക്കണക്കിന് വര്‍ഷങ്ങള്‍ കഴിഞ്ഞിട്ടും ദൈവജനം ഈജിപ്തില്‍ അടിമകളായി കഴിഞ്ഞു. മോശയാണ് അവരെ അടിമത്വത്തില്‍ നിന്ന് മോചിപ്പിച്ച് ദൈവം വാഗ്ദാനം ചെയ്ത വിശുദ്ധ നാട്ടിലേക്ക് നയിച്ചത്. അത് ദൈവത്തില്‍ നിന്നും മോശയ്ക്ക് ലഭിച്ച വെല്ലുവിളിയായിരുന്നുവെന്ന് ബിഷപ്പ് നവവൈദികരെ ഓര്‍മ്മിപ്പിച്ചു. നൂറുകണക്കിന് വിശ്വാസികളും 47 വൈദികരും 20 ഓളം കന്യാസ്ത്രീകളും ചടങ്ങില്‍ സംബന്ധിച്ചു.

കാണ്ടമാലിലെ ജനങ്ങള്‍ക്കിടയില്‍ ജീവിക്കാന്‍ ദൈവമാണ് നമ്മെ തെരഞ്ഞെടുത്തത്. കലാപ കാലത്ത് ദൈവത്തിലുള്ള വിശ്വാസമൊഴികെ എല്ലാം നഷ്ടപ്പെട്ടിരുന്നു. ഏതു മതവും തെരഞ്ഞെടുക്കുന്നതിനും വിശ്വാസിക്കുന്നതിനും ഭരണഘടന അനുവാദം നല്‍കുന്നുണ്ട്. എന്നാല്‍ ചില സംസ്ഥാനങ്ങളില്‍ മതപരിവര്‍ത്തന നിയമങ്ങള്‍ കൊണ്ടുവന്നുകഴിഞ്ഞുവെന്നും അദ്ദേഹം ചൂണ്ടിക്കാട്ടി.

വര്‍ഗീയ സംഘര്‍ഷങ്ങള്‍ക്ക് തങ്ങളുടെ വഴിയില്‍ വിലങ്ങുതടിയാകാന്‍ കഴിഞ്ഞിട്ടില്ലെന്ന് നവവൈദികര്‍ പറഞ്ഞു. പ്രതിസന്ധികളില്‍ ദൈവം വഴിനടത്തി. കാടുകളിലാണ് തങ്ങള്‍ അഭയം തേടിയിരുന്നത്. പഠനം മുടങ്ങി. എന്നാല്‍ തന്റെ രാജ്യത്തിനു വേണ്ടി പ്രവര്‍ത്തിക്കാന്‍ ഒരു അപകടത്തിലും പെടാതെ ദൈവം തങ്ങളെ തുടര്‍ച്ചയായി നയിക്കുകയും സംരക്ഷിക്കുകയും ചെയ്തുവെന്ന് അവര്‍ പറയുന്നു. 

 Kandhamal survivors


ഹൈസ്‌കൂള്‍ പഠനത്തിനു ശേഷം 2006ലാണ് ഇവര്‍ സെമിനാരിയില്‍ ചേര്‍ന്നത്. ഇവരുടെ നൊവിഷ്യേറ്റിന്റെ ആദ്യവര്‍ഷം കേരളത്തില്‍ കട്ടപ്പനയിലാണ് ചെലവഴിച്ചത്. ഫിലോസഫിയും തിയോളജിയും ആന്ധ്രാപ്രദേശിലാണ് പഠിച്ചത്.

2007-2008 ലാണ് ഇന്ത്യ കണ്ട ഏറ്റവും വലിയ ക്രൈസ്തവ വേട്ട കാണ്ടാമാലില്‍ അരങ്ങേറിയത്. ഈ സമയത്ത് ബരോഖോമ അരുന്ദയ കപൂച്ചിന്‍ ആശ്രമം മൈനര്‍ സെമിനാരിയില്‍ വിദ്യാര്‍ത്ഥികളായിരുന്നു ഇവര്‍ നാലു പേരും. രണ്ടു തവണയാണ് മതതീവ്രവാദികള്‍ ഈ ആശ്രമം ആക്രമിച്ചത്.

അന്നത്തെ കലാപത്തില്‍ ആശ്രമത്തിലെ സകലതും അക്രമികള്‍ തകര്‍ത്തു. 2007ലെ ക്രിസ്മസ് നാളുകളിലായിരുന്നു ആദ്യത്തെ ആക്രമണം. പ്രാണരക്ഷാര്‍ത്ഥം ഉള്‍ക്കാടുകളിലേക്ക് ഓടിരക്ഷപ്പെട്ട വൈദികരും 24 ഓളം സെമിനാരി വിദ്യാര്‍ത്ഥികളും കന്യാസ്ത്രീകളും സ്ഥിതിഗതികള്‍ ശാന്തമാകും വരെ അവിടെതന്നെ തുടരുകയായിരുന്നു. ദിവസങ്ങളോളം പട്ടിണിയിലായിരുന്നു. കാടിനുള്ളിലെ പ്രതികൂല കാലാവസ്ഥയും വിശപ്പും സഹിച്ച് കഴിഞ്ഞ വിദ്യാര്‍ത്ഥികള്‍ക്കാകട്ടെ 2008 ജൂണിലാണ് പിന്നീട് സെമിനാരിയിലേക്ക് തിരിച്ചുവരാന്‍ കഴിഞ്ഞത്. എന്നാല്‍ രണ്ടു മാസത്തിനു ശേഷം ഓഗസ്റ്റില്‍ സെമിനാരി വീണ്ടും ആക്രമിക്കപ്പെട്ടു. ആശ്രമം കൊള്ളയടിച്ച ശേഷം ചുട്ടെരിച്ചിട്ടാണ് വര്‍ഗീയ ശക്തികള്‍ അവിടം വിട്ടത്. ഈ സമയം അവിടെയുണ്ടായിരുന്ന 20 വിദ്യാര്‍ത്ഥികളെ മറ്റൊരു ഗ്രാമത്തിലേക്ക് അയക്കുകയായിരുന്നു.

Author : matters india & mangalam

Related posts

0 comments

Please login to leave a comment. click here to Login